Pra heta paviedamlaje TSN.
Adznačym, što juryst Uładzimir, bolš viadomy jak Vavan222, prasłaviŭsia svaimi telefonnymi vykryvalnymi rozyhryšami, tak zvanymi prankami. Śpis jaho achviar ašałamlaje. U im i rasijskija zorki Michajłaŭ i Kirkoraŭ, i šmatlikija palityki, i ŭlubioniec ukraincaŭ, były sanitarny ŭrač Aniščanka, i načalnik DAI Ukrainy Astapkovič.
Uładzimir nie zastaŭsia abyjakavym i da apošnich padziejaŭ va Ukrainie, tamu razyhraŭ pa telefonie narodnaha antyhieroja Vadzima Citušku, chłopca, jaki prasłaviŭsia, źbiŭšy žurnalistaŭ u traŭni 2013 hoda.
Bolš za toje, jon razyhraŭ Citušku dvojčy.
Spačatku Vavan222 pradstaviŭsia majoram SBU i prapanavaŭ padtrymać praŭładny mitynh.
Adnak Cituška admoviŭ: «Ja nie za Viktara Fiodaraviča, ja za ŭkrainski narod, ale nie za toj, jaki staić suprać ES. Ja ŭ hetym nie ŭdzielničaju nikoli, niecikava».
Na ŭdakładnialnaje pytańnie, ci za ES jon, spartoviec zajaviŭ: «Ja tolki za, tamu što ja baču, što adnosiny z Mytnym sajuzam — tolki tupik, a ź ES jość novyja šancy choć padniać žyćciovy ŭzrovień u krainie, niachaj nie adrazu».
Pry hetym jon nie admoviŭ «majoru SBU» ŭ dapamozie z pošukam «mocnych chłopcaŭ, jakija mahli b pastajać na Majdanie».
Takim čynam Vadzim Cituška faktyčna adchryściŭsia ad hrupoŭki, nazvanaj u jaho honar.
Paniaćcie «cituški» tak tryvała ŭvajšło ŭ leksikon ukraincaŭ, što zasłužyła asobnaha artykuła ŭ Vikipiedyi.
Adnak «Vavan» na hetym nie spyniŭsia i vyrašyŭ pravieryć zajavy Vadzima na ščyraść, zrabiŭšy druhi, kantrolny zvanok nibyta ad pradstaŭnikoŭ apazicyjnaj partyi «UDAR». Chłopiec svajoj palityčnaj aryjentacyi nie źmianiŭ, navat pryznaŭsia ŭ padtrymcy «Udaru», adnak taksama admoviŭ, jak i «majoru SBU».
«Na siońniašni dzień ja — prablemny čałaviek… Prablemy ŭ tym płanie, što ludzi, jakija stajać za Jeŭrasajuz, mianie nie vielmi hładka i ciopła ŭsprymuć», — narakaje Cituška.
