Vydatki na «Dažynki» ŭzraśli na 46%. Antarktyčnaja prahrama «paciažeła» amal na 2 miljardy, a «Zamkam Biełarusi» daviadziecca zaciahnuć «słuckija pajasy».
Usie ličby — u tysiačach rubloŭ.
12 śniežnia pałata pradstaŭnikoŭ u pieršym čytańni pryniała biudžet na 2014 hod. Abmierkavańnie dakumienta ŭ 700 staronak zaniało mienš za 2 hadziny. A za niekalki hadzinaŭ da hetaha prajekt dakumienta atrymała Jeŭraradyjo.
Biudžet na 2014 hod płanujecca biezdeficytnym. Vydatki supadajuć z prybytkami i składajuć 128,5 tryljona — heta na 7,2 tryljona bolš, čym było zapłanavana letaś. Paraŭnajem vydatki na najbolš cikavyja artykuły biudžetu-2014 ź minułymi biudžetami.
Finansavańnie KDB i MUS pavialičvajecca na 23% i na 21% adpaviedna. Pryčym KDB za dva hady «padaražeŭ» biełarusam amal udvaja! Cikava, čamu: nijakich devalvacyj ni ŭ 2012, ni ŭ 2013 hodzie nie było…
Pašancavała i dziaržaŭnym žurnalistam. Vydatki na apłatu ich pracy nie skaracilisia, a navat krychu ŭzraśli. Što praŭda, ilvinuju dolu ad 676 młrd zabirajuć televizijščyki.
Amal na dva miljardy bolš, čym letaś, Biełaruś układzie ŭ pakareńnie Antarktydy. Było 4,72 młrd, stała 6,52! A voś inšaj dziaržprahramie — «Zamki Biełarusi» — nie pašancavała: u 2014 hodzie jana budzie skaročanaja na 1 miljard rubloŭ: było 2,5 młrd, stała 1,42 miljarda. Zatoje amal 2 miljarda na «Słuckija pajasy». Vydatki na kulturu ŭ biudžecie-2014 skaračajucca až na 150 młrd!
Skaračeńnie, chacia i niaznačnaje, zakranuła adukacyju. Na jaje ŭ biudžecie na nastupny hod praduhledžvajecca 6,599 młrd zamiest 6,636 młrd letaś.
Pierad druhim čytańniem (jakoje projdzie ci ŭ nastupny paniadziełak, ci 20 śniežnia, padčas zaklučnaha pasiadžeńnia treciaj siesii) Pałata pradstaŭnikoŭ moža prapanavać Minfinu «padpravić» biudžet. Naprykład, adzin z deputataŭ prapanavaŭ usio ž nie ŭvodzić «aŭtamabilny» zbor, a srodki na ramont daroh atrymać ad bolš imklivaha padvyšeńnia cenaŭ na paliva. Maŭlaŭ, chto jeździć bolš — toj niachaj i płacić bolš.
Hetyja i inšyja papraŭki mohuć paŭpłyvać jak na prybytki biudžetu-2014 uvohule, tak i na asobnyja artykuły. Vierahodna, sioletni biudžet budzie padpisany Alaksandram Łukašenkam u apošnija dni hoda, jak i biudžet-2012 — nastupny paśla ciažkaha, «devalvacyjnaha» 2011 hoda.
