Aleś Čarkašyn apranuŭsia ŭ «praroka», abviazaŭ ruki łancuhami i abliŭ ich čyrvonaj farbaj. Jana simvalizavała kroŭ biełarusaŭ.
U časie pierfomansu aktyvist zaklikaŭ ułady pakajacca za svaje hrachi pierad narodam.
U advarotnym vypadku, kazaŭ «prarok» pierad hankam abłvykankama, krainie pahražajuć niaščaści.
Zatrymali chłopca supracoŭniki milicyi praz 10 chvilinaŭ paśla zakančeńnia pierformansu la hanka abłvykankama.
Jaho dastavili ŭ pastarunak, dzie skłali pratakoł za arhanizacyju niesankcyjanavanaha pikieta, paviedamiŭ lidar chryścijanskich demakrataŭ rehijona Źmicier Šurchaj.
Ale ŭ vyniku ź milicejskaha pastarunku Čarkašyna zabrali sanitary. Ciapier jon znachodzicca ŭ psichijatryčnym stacyjanary.
Sa słovaŭ dziažurnaha Leninskaha RUUS, tam aktyvist moža prabyć da troch dzion.
Šurchaj kaža, što heta biespadstaŭnaje rašeńnie, što Čarkašyn narmalny i adekvatny čałaviek. I nie było nijakich padstavaŭ jaho zatrymlivać.
Źmicier Šurchaj taksama dadaŭ, što Čarkašyn sapraŭdy źjaŭlajecca siabram Chryścijanskaj demakratyi, ale hety pierfomans jon rabiŭ vyklučna sa svajoj inicyjatyvy.