Fota Bob Carey.
Fota Bob Carey.
Fota Bob Carey.
Fota Bob Carey.
Fatohraf ź Ńju-Jorka Bob Kery ŭpieršyniu zrabiŭ svaje pryhožyja i dziŭnyja zdymki niekalki hadoŭ tamu paśla taho, jak u jaho žonki Lindy byŭ dyjahnastavany rak hrudziej, piša bigpicture.ru.
Pavodle jaho słoŭ, jon chacieŭ dapamahčy žoncy spravicca z vyprabavańniem: «Kali Linda pojdzie na lačeńnie, jana zachopić z saboj fatahrafii na svaim telefonie — i budzie razam ź inšymi žančynami hladzieć na ich i śmiajacca».
Bob padarožničaje pa Amierycy i robić aŭtapartrety ŭ ružovaj baletnaj pačcy.
Kolkaść pazityŭnych vodhukaŭ i vyzdaraŭleńnie žonki prymusili Boba zadumacca pra toje, kab praciahvać rabić zdymki. Ideja atrymała nazvu http://www.thetutuproject.com/Tutu Project i raźvivałasia ŭ vyhladzie tak zvanaha «virusnaha» prajektu. Tak, ciapier u supołki, pryśviečanaj prajektu, na Facebook 78 tysiač padpisantaŭ.
Bob taksama publikuje kalandar sa zdymkami, jaki možna nabyć na aficyjnym sajcie prajekta.
Usie atrymanyja za jaho hrošy iduć na rachunki Fondu Kery, jaki dapamahaje žančynam z dyjahnazam «rak małočnaj załozy», a taksama tym, chto pieramoh chvarobu, i členam ich siemjaŭ.
«Rak navučyŭ nas, što žyćcio dobraje, ale mieć ź im spravu byvaje niaprosta, — tłumačyć Kery, — I časam samaje lepšaje, i navat adzinaje, što my možam zrabić, kab pratrymacca jašče adzin dzień — heta śmiajacca nad saboj i padzialicca śmiecham ź inšymi».
