Pavažanaja Redakcyja «Našaj Nivy»,
Źviartajusia da Vas, kab pradstavić svoj prajekt — sajt ź biełaruskamoŭnymi prezientacyjami dla dzietak pra navakolny śviet n-compas.jimdo.com.
Chočacca, kab bolš biełaruskamoŭnych baćkoŭ i nastaŭnikaŭ daviedalisia pra jaho isnavańnie, a taksama karystalisia mahčymaściu biaspłatna spampoŭvać infarmacyju dla zaniatkaŭ i ŭrokaŭ.
Sajt stvaraŭsia pieršapačatkova dla ŭnutranaha karystańnia, ale ciapier užo nabrałosia šmat materyjałaŭ, i naviedvalnikaŭ stanovicca ŭsio bolš. Heta nie dziva: bo znajści biełaruskamoŭnyja materyjały pa bijałohii, hieahrafii i pryrodaznaŭstvu ŭ siecivie — niemahčyma.
Ja stvarała prezientacyi dla zaniatkaŭ z hrupaj biełaruskamoŭnych dziaciej. Zaniatki prachodziać užo čaćviorty hod, tamu nakapilisia nie tolki maje asabistyja pracy, ale i cikavyja spasyłki, videa i aŭdyjo- materyjały.
Bolš infarmacyi vy možacie znajści na staronkach sajta.
Uvohule, maju maru pašyrać prajekt, dałučajučy pracy biełaruskamoŭnych nastaŭnikaŭ, piedahohaŭ pa inšych pradmietach. Na dadzieny momant ni takoha sajtu, ni niejkaj inšaj prastory niama. Mahu dapamahčy nastaŭnikam stvaryć i svaju staronku ŭ siecivie. Zaklikaju jadnacca i vychodzić ź cieniu!
Spadziajusia, što navat nievialikaje ŭzhadvańnie na sajcie NN dapamoža sustrecca tym, chto šukaje z tymi, chto stvaraje.
Budu rada chutkamu adkazu.
Z pavahaj, Nadzieja Hareckaja (elektronny adras — u Redakcyi)
