U Kijevie na Majdanie Niezaležnaści prachodzić čarhovaje Narodnaje vieča.
Tvittier Oleksandr Aronieć
13:20
Jak paviedamlaje karespandent Radyjo Svaboda, ciapier ludziej mienš, čym u minułyja niadzieli, ale jany praciahvajuć padychodzić. Ludzi trymajuć ściahi Ukrainy i ES.
Pa stanie na 13:33 u centry Kijeva znachodzicca bolš za 15 tysiač čałaviek, jany raźmiaścilisia na Majdanie, Chryščaciku, vulicy Instytuckaj, kala Kastryčnickaha pałaca.
14:40
Na Majdanie vystupili lidary apazicyi z prapanovami raspaŭsiudzić Majdan na Uschod, Centr i Poŭdzień Ukrainy, a taksama zaklikali sustrakać na Majdanie Novy hod i Kalady.
Partyja «Svaboda» zajaŭlaje, što siońnia na Majdanie sabralisia ŭžo 100 tys. čałaviek.
Apazicyjnyja lidary abviaścili pra stvareńnie Narodnaha abjadnańnia «Majdan», supołki jakoha pavinny być stvorany pa ŭsioj Ukrainie.
U skład Rady narodnaha abjadnańnia ŭvajšli, siarod inšych, palityki Vital Kličko, Alaksandr Turčynaŭ, Aleh Ciahnibok, Arsień Jacaniuk, śpievaki Rusłana Łyžyčka i Saško Pałažynski, palitołah Vital Portnikaŭ,
Sustaršyni rady «Majdana» — rektar Kijeva-Mahilanskaj akademii Siarhiej Kvit, Rusłana Łyžyčka, Vital Kličko, Juryj Łucenka, Julija Cimašenka, Arsienij Jacaniuk i Aleh Ciahnibok.
Śpis rady «Majdana» adkryty i budzie pavialičvacca.
U Kijevie źbiralisia šmatsottysiačnyja manifestacyi 24 listapada, 1 śniežnia, 8 śniežnia i 15 śniežnia.
Darečy siońnia ŭ 20:30 na Majdanie, siarod inšych vystupoŭcaŭ — TNMK, «Motor'rołła», KOZAKsystem, «Hajdamaki», «Roleks», Tarasa Čubaja,
płanujecca kancert biełaruskaha hurtu «Krambambula».
