Prezident Ukrainy Viktar Janukovič u paniadziełak padpisaŭ zakon ab niedapuščeńni pieraśledaŭ i pakarańnia ŭdzielnikaŭ padziej u Kijevie, jakija adbylisia pry praviadzieńni i razhonie Jeŭramajdanu.
Janukovič padpisaŭ zakon ab amnistyi ŭdzielnikaŭ akcyj pratestu nieadkładna pa atrymańni jaho ad Viarchoŭnaj Rady.
19 śniežnia ŭkrainski parłamient pryniaŭ zakon, jaki vyzvalaje ad adkaznaści ŭdzielnikaŭ akcyj pratestu z 21 listapada da dnia ŭstupleńnia zakona ŭ siłu. Zakon vyznačaje, što ŭsie kryminalnyja dziejańni suprać udzielnikaŭ akcyj, adkrytyja z 21 listapada, padlahajuć zakryćciu, a asoby – vyzvaleńniu. Akramia taho, hetyja ludzi ličacca niesudzimymi.
0
0
0
0
0
0
