Padrabiaznaści hetaha rezanansnaha zdareńnia paviedamiŭ telekanał ANT.
Vierdykt pa spravie vyniesła kalehija Mahiloŭskaha abłasnoha suda, jakaja razhladała kasacyjny zvarot na rašeńnie suda pieršaj instancyi, što abaviazvała adkazčyka — arhanizacyju-zabudoŭščyka (Babrujski zavod bujnapanielnaha domabudavańnia) nie tolki likvidavać prablemy vołkaści i ćvili na ścienach kvatery Anatola Klacko, ale i spahnać ź jaje ž maralnuju škodu ŭ Br50 młn.
Pradstaŭnik Babrujskaha zavoda bujnapanielnaha domabudavańnia Alaksandr Łabiejka ŭ čas pasiadžeńnia kalehii prasiŭ źmienšyć pazoŭnyja patrabavańni, pahadziŭšysia na likvidacyju budaŭničych niedarobak.
Mahiloŭski abłasny sud, vyvučyŭšy materyjały spravy, pryniaŭ rašeńnie ŭ pazovie ab pakryćci maralnaj škody admović sa spasyłkaj na zakon «Ab abaronie pravoŭ spažyŭcoŭ».
Sud paličyŭ, što zakanadaŭčaja norma raspaŭsiudžvajecca na damoŭnuju asnovu. Pa spravie ž atrymlivajecca, što pamiž hramadzianinam Klacko i zavodam BPD nijakaj damovy nie było zaklučana. Jak vyśvietliłasia, damova ŭ haspadara kvatery Anatola Klacko sapraŭdy była zaklučanaja nie z babrujskaj budaŭničaj arhanizacyjaj, a sa svaim žyllova-budaŭničym kaapieratyvam. Pa słovach haspadara kvatery, atrymaŭšy klučy ad jaje 4 hady tamu, jon biespaśpiachova sprabavaŭ vyrašyć prablemy vołkaści i ćvili na ścienach z dapamohaj staršyni svajho ŽBK.
Načalnik jurydyčnaha adździeła haradskoha tavarystva abarony spažyŭcoŭ Minska Juryj Varapaj ličyć, što ŭ dadzienaj situacyi, kali spažyviec źviarnuŭsia pa harantyi ŭ arhanizacyju i pa harantyi jaho pravy nie byli vykananyja, to ŭstupaje ŭ siłu prava na jakaść, jakoje daje spažyŭcu faktyčnuju padstavu źviarnucca pa kampiensacyju maralnaj škody.
Tolki ŭ pracesie suda budaŭničaja arhanizacyja narešcie ŭziałasia za likvidacyju niedarobak:
uciapliła ścieny pamiž kvateraj i leśvičnaj placoŭkaj, umacavała hidraizalacyju. Da hetaha Anatolu Klacko daviałosia prajści čatyry ekśpiertyzy i pastajanna pierapisvacca z čynoŭnikami. Ci praciahnie jon sudzicca z patrabavańniem kampiensacyi maralnaj škody, pazoŭnik vyrašyć paśla kansultacyi z advakatam.
