Zapisać na videa «Pahoniu» Maksima Bahdanoviča jana vyrašyła pad upłyvam svajho virtualnaha siabra ź Biełarusi, pradprymalnika Alesia Mazanika. Aleś — uładalnik kramy biełaruskich tavaraŭ Imbryk.by Internet-hramadzie viadomy taksama i tym, što dabiŭsia pakarańnia dla kiroŭcy aŭtobusa, jaki vyviesiŭ u kabinie rasijski ściažok.
Anhieła Eśpinosa vyvučyła biełaruskuju movu ŭsiaho za 9 miesiacaŭ, choć nikoli nie była ŭ našaj krainie. Zacikaviłasia Biełaruśsiu paśla vybaraŭ 2010 hoda. A paśla zrazumieła, što našaja mova i kultura cikaviejšaja za našuju palityku. Dziaŭčyna žyvie ŭ ispanskim horadzie Hranada, dzie vyvučaje słavianskuju fiłałohiju. Aproč biełaruskaj, jana dobra viedaje polskuju, ukrainskuju i ruskuju movy.
Anhieła viadzie śpiecyjalny błoh «Inšaziemka, jakaja piša pa-biełarusku». Siarod płanaŭ na 2014 hod Anhieła paznačyła: «Ja chaču ŠMAT pisać, i pa-biełarusku taksama. Treba zajmacca litaraturaj, movaznaŭstvam, zdać siesii i atrymać pracu ŭ aeraporcie na leta. I, kaniečnie, zajmacca biełaruskaj spravaj».
Raniej Anhieła Eśpinosa prasłaviłasia ŭ biełaruskim internecie vykanańniem «Malitvy» na słovy Janki Kupały.
