Pra heta paviedamlaje interfax.by sa spasyłkaj na krynicu ŭ Minskim Śviata-Duchavym kafiedralnym sabory.
Płanujecca, što siońnia ž mitrapalit Pavieł adsłužyć u sabory ŭsianočnuju, a ŭ niadzielu — ranišniuju liturhiju.
Na niadzielnuju liturhiju zaprošanyja ŭsie biełaruskija archirei, a taksama śviatary minskich prychodaŭ. Čakajecca, što na liturhii budzie prysutničać hanarovy Patryjaršy ekzarch usiaje Biełarusi mitrapalit Fiłaret. Jon budzie vitać mitrapalita Paŭła i źvierniecca da jaho z admysłovaj pramovaj.
Nahadajem, što 25 śniežnia Śviaty Sinod Biełaruskaj pravasłaŭnaj carkvy adpuściŭ uładyku Fiłareta na piensiju, pakinuŭšy jaho hanarovym Patryjaršym ekzarcham usioj Biełarusi. Kiraŭnikom BPC u hety ž dzień byŭ pryznačany razanski archirej mitrapalit Pavieł.
