Adzinaccacihadovy chłopčyk z Žytkavič (Homielskaja vobłaść) atrymaŭ šmatlikija apioki pieršaj i druhoj stupieni tvaru, hrudziej, zapiaściaŭ ruk padčas sproby adnahodkaŭ zrabić ź bienzinu «pałymiany fiejervierk», paviedamili ŭ pres-słužbie UUS Homielskaha abłvykankama.
Trahiedyja adbyłasia ŭviečary 2 studzienia. Pa adnoj ź viersij, školnik sustreŭ dvuch 13-hadovych pryjacielaŭ, adzin ź jakich zaprasiŭ tavaryšaŭ da siabie dadomu. Paśla čajavańnia hości vyjšli na bałkon. A małady haspadar, uspomniŭšy, što ŭ vannaj jość bienzin, zadumaŭ zrabić pałymiany fiejervierk.
Naliŭšy paliva ŭ miernuju šklanku, jon paprasiŭ adnaho z padletkaŭ zapalić zapałku i pryhatavacca kinuć jaje ŭ jomistaść. Razvaročvajučysia dla kidka, chłapčuk začapiŭ małodšaha z haściej, i ŭvieś bienzin pluchnuŭ na dzicia. Połymia mamientalna achapiła vopratku chłopčyka. Siabry kinulisia hasić ahoń, ale całkam zaścierahčy achviaru ad apiokaŭ nie ŭdałosia.
