U navahodnija śviaty ŭkraincy zładzili fłeš-mob — padziaku śvietu za padtrymku svajoj baraćby za jeŭrapiejskuju budučyniu.
Bolš čym na dziesiaci movach udzielniki akcyi «Ukraina kaža śvietu «dziakuj!»» vykazali padziaku za padtrymku Jeŭramajdanu i svajoj baraćby za lepšuju budučyniu hramadzianam inšych dziaržaŭ.
«Darahija siabry, my, ukraincy, ad usiaho serca dziakujem vam za padtrymku našaj baraćby za svabodu i čałaviečuju hodnaść. Žadajem usim vam mirnaha i ščodraha Novaha hoda!» — fotazdymki ŭkraincaŭ, zroblenyja na Majdanie Niezaležnaści, z takimi mini-płakatami na roznych movach u rukach, vykłała na svajoj staroncy ŭ Fejsbuk kulturołah Uładzisłava Ośmak.
Heta jana prydumała i ŭvasobiła prajekt u žyćcio.
«Ja sačyła za reakcyjaj śvietu na padziei Jeŭramajdanu, atrymlivała listy ad siabroŭ z-za miažy — usio chvalujucca, spačuvajuć, raspytvajuć. A kolki było va ŭsim śviecie i kalektyŭnych, i indyvidualnych vystupaŭ na našu padtrymku Mnie ŭvieś čas «śviarbieła»: treba niešta zrabić, kab ludzi (siarod ich byli i niekatoryja maje siabry) viedali, što my ich čujem, bačym, i my ŭdziačnyja im za słovy padtrymki», - raspaviadaje Uładzisłava.
Padziaki napisali na kitajskaj, rasiejskaj, biełaruskaj, italjanskaj, anhlijskaj, polskaj, francuzskaj i inšych movach.
