U skład 364 akruhovych vybarčych kamisij, utvoranych dla vybaraŭ deputataŭ miascovych savietaŭ 27-ha sklikańnia, uvajšli 233 pradstaŭniki palityčnych partyj z 504 vyłučanych.
Pavodle źviestak Centrvybarkama, bolšaść pradstaŭnikoŭ partyj, uklučanych u akruhovyja kamisii, pradstaŭlajuć praŭładnyja Kamunistyčnuju partyju Biełarusi (148 čałaviek z 173 vyłučanych) i Respublikanskuju partyju pracy i spraviadlivaści (46 z 64).
U toj ža čas z 36 i 8 pradstaŭnikoŭ apazicyjnych Abjadnanaj hramadzianskaj partyi i Biełaruskaj sacyjał -demakratyčnaj partyi (Hramada) u skład akruhovych kamisij nie ŭklučany nivodny čałaviek. Z 97 pradstaŭnikoŭ Biełaruskaj partyi levych «Spraviadlivy śviet» u skład kamisij uklučanyja tolki vosiem, z 44 Partyi BNF — try, z 41 Libieralna -demakratyčnaj partyi - čatyry.
Hramadskija abjadnańni pradstaŭleny ŭ akruhovych kamisijach 2134 členami. Siarod ich - 791 pradstaŭnik Fiederacyi prafsajuzaŭ Biełarusi, 334 - «Biełaj Rusi», 273 - BRSM, 245 - Biełaruskaha hramadskaha abjadnańnia vieteranaŭ, 220 - Biełaruskaha sajuza žančyn.
Usiaho ŭ skład akruhovych kamisij uvajšli 4393 čałavieki (było vyłučana 5438), ź ich 3069 - žančyny, 538 - dziaržaŭnyja słužboŭcy, 359 - hramadzianie da 30 hadoŭ.