Uviečary 11 studzienia ŭ vioscy Pałkocičy Ivanaŭskaha rajona 24-hadovy vadziciel «Opiela-Amiehi» ŭčyniŭ najezd na dźviuch piensijanierak, jakija išli pa prajeznaj častcy ŭ spadarožnym napramku.
U vyniku DTZ 57-hadovaja žančyna ad atrymanych traŭm pamierła na miescy, 69-hadovaja była dastaŭlena ŭ Ivanaŭskuju centralnuju rajonnuju balnicu. U paciarpiełaj — zakrytaja čerapna-mazhavaja traŭma ciažkaj stupieni, udar hałaŭnoha mozhu, pierałom kaściej levaj halonki, pierałom pravaj klučycy, množnyja pierałomy rebraŭ.
U vadziciela «Opiela» vyjaŭlena 2,4 pramile ałkaholu. Jon zatrymany i źmieščany ŭ izalatar časovaha ŭtrymańnia. Pinčanin atrymaŭ vadzicielskija pravy ŭ sakaviku 2013 hoda.
Ivanaŭskim rajonnym adździełam Śledčaha kamiteta raspačata sprava pa č. 4 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ asobaj, jakaja kiruje transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka) u dačynieńni da 24-hadovaha žychara Pinska