Premjer-ministr Biełarusi Michaił Miaśnikovič 19—24 studzienia naviedaje z aficyjnym vizitam Kitaj.
Miaśnikovič praviadzie aficyjnyja pieramovy z premjeram Dziaržsavieta Kitajskaj Narodnaj RespublikiLi Kecianiam, pa vynikach jakich płanujecca padpisańnie šerahu dvuchbakovych dakumientaŭ. Taksama zapłanavanyja sustrečy kiraŭnika biełaruskaha ŭrada z staršynioj KNR Si Czińpinam, sakratarom partkama pravincyi Chejłunczian Van Siańkujem, a taksama dziełavymi kołami hetaj pravincyi i Charbina.
Kiraŭnik biełaruskaha ŭrada sustreniecca taksama z kiraŭnictvam šerahu kitajskich karparacyj, u liku jakich «Sinamač», «BiJuSiSi», «KUEK», « Kitajskaja inviestycyjnaja karparacyja», «Sicik Kanstrakšn», «Džyli» dy inš. Akramia taho, Michaił Miaśnikovič pabyvaje ŭ karparacyjach «ZTI», «Chuavej», naviedaje sumiesnyja pradpryjemstvy, raźmieščanyja na terytoryi Charbina.
U ramkach vizitu projdzie prezientacyja inviestycyjnych mahčymaściej Biełarusi, a taksama Kitajska-biełaruskaha industryjalnaha parku.
