Najbolš — siem sutak dali kiraŭniku abłasnoj arhanizacyi AHP Juryju Istominu, jaki 5 kastryčnika vyjšaŭ z‑za krataŭ paśla piacidzionnaha aryštu. Abodva razy — abvinavačańnie standartnaje: «niecenzurnaja łajanka».
Kiraŭnika abłasnoj arhanizacyi BSDH Viktara Sazonava, staršyniu haradzkoj arhanizacyi AHP Źmitra Słuckaha i aktyvista prafsajuznaha ruchu žurnalista Ivana Romana pasadzili kožnaha na piać sutak. Jany skazali, što na znak pratestu buduć haładać za kratami. Aryštavanyja ličać, što ich izalavali, kab pieraškodzić udzielničać u Eŭrapiejskim maršy.
A voś Vadzima Sarančukova ad milicyjantaŭ adbiła žonka. Kiraŭnik haradzkoj arhanizacyi Partyi BNF, zaŭvažyŭ kala padjezda milicejskuju mašynu. Ź jaho słovaŭ, milicyjanty za im ŭbiehli navat u kvateru, ale žonka dapamahła jamu adbicca, i zaraz jon na svabodzie.
