Dvaccać adzin vypadak byŭ vyjaŭleny siarod maładych ludziej 15—19 hadoŭ; 449 čałaviek (64%) za hety pieryjad infikavanyja pałavym šlacham. U cełym u Biełarusi asnoŭnym šlacham pieradačy infiekcyi zastajecca parenteralny, jaki realizujecca pry injekcyjnym uviadzieńni narkatyčnych srodkaŭ — takim čynam zaraziłasia 61,1% (5 tys. 161 vypadak) ad ahulnaj kolkaści VIČ‑infikavanych.
Na pieršym miescy pa liku zarehistravanych vypadkaŭ znachodzicca Homielskaja, na druhim — Minskaja vobłaść, na trecim — Minsk. Udzielnaja vaha žančyn u ahulnym liku VIČ‑infikavanych składaje 34,6% (2 tys. 924 čałaviek), mužčyn — 65,4% (5 tys. 525 čałaviek).
U Biełarusi z momantu źjaŭleńnia ŭ krainie hetaha zachvorvańnia zarehistravana 126 vypadkaŭ VIČ‑infiekcyi siarod dziaciej ad 0 da 14 hadoŭ. 115 dzieciam, jakija narodžany ad VIČ‑infikavanych maci, paćvierdžany dyjahnaz «VIČ‑infiekcyja», ź ich vosiem pamierli.
Dyjahnaz «ŚNID» za dzieviać miesiacaŭ 2007 hoda pastaŭleny 241 pacyjentu, ahulnaja ž kolkaść chvorych skłała 844 čałavieki. U stadyi ŚNIDu ŭ Biełarusi pamior 481 čałaviek. Taksama ŭ Biełarusi zarehistravana 1.155 vypadkaŭ śmiarciej siarod VIČ‑infikavanych, siarod ich 846 čałaviek byli narkaspažyŭcami.
Nahadajem, u 2006 hodzie ŭ Biełarusi było vyjaŭlena 733, u 2005 hodzie — 751, u 2004 hodzie — 778 VIČ‑infikavanych.
