«Pieramovy pa niedapuščeńni eskałacyi situacyi i ŭrehulavańniu palityčnaha kryzisu pavinny byli adbycca z ŭdziełam prezidenta jak haranta Kanstytucyi i čałavieka, jaki niasie ŭsiu adkaznaść za toje, što adbyvajecca siońnia ŭ krainie», — zajaviŭ lider partyi «Udar» Vital Kličko.
Jon nazvaŭ dziŭnymi zajavy sakratara rady nacyjanalnaj biaśpieki Klujeva ab tym, nibyta Kličko vyjšaŭ ź pieramoŭnaha pracesu. «Jak možna vyjści z taho, kudy nie ŭvachodziŭ? My jašče ŭčora vyznačyli, što pieramovy pavinny adbyvacca tolki ź Janukovičam. A jon uchilajecca i paźbiahaje adkaznaści, tamu pakłaŭ hety abaviazak na tak zvanuju pracoŭnuju hrupu», — padkreśliŭ Kličko.
Jon adznačyŭ, što siońnia sprabavaŭ terminova sustrecca z prezidentam Ukrainy, ale ŭ taho nibyta była narada. «Pra toje, što ŭ Janukoviča narada, mnie pryjšli ŭtroch skazać Klujeŭ, Partnoŭ i Łukaš. Paabiacali, što jon patelefanuje. A ciapier kažuć, što ja vyjšaŭ ź pieramoŭnaha pracesu. Dy ja z hrupaj jaho navat nie vioŭ», — padkreśliŭ palityk.
