U štabie samaabarony Majdanu paviedamili, što dniom pamior 22-hadovy aktyvist, jaki ŭpaŭ z 13-mietrovaj kałanady stadyjona «Dynama» padčas kryvavaha supraćstajańnia mitynhoŭcaŭ i siłavikoŭ na vulicy Hrušeŭskaha.
Imia zahinułaha nieviadoma.
Z kałanady aktyvisty abstrelvali siłavikoŭ fiejervierkami i kidali kaktejli Mołatava. Kali «bierkutaŭcy» zabralisia na kałanadu, bolšaść pratestoŭcaŭ paśpieła spuścicca na ziamlu, adnak dvoje apynulisia na dachu razam ź siłavikami. Adzin z aktyvistaŭ ŭpaŭ na ziamlu. U paciarpiełaha było padazreńnie na pierałom ruki i nohi, chłopca zabrała «chutkaja».
Paćvierdžańniaŭ ź miedyčnych krynic pakul niama. Pakazalna, što pieršym paviedamleńnie pra śmierć pratestoŭcy źmiaściŭ tabłoid, jaki naležyć aliharchu Achmietavu, jaki raniej byŭ sponsaram Janukoviča.
