 |
26‑27 kastryčnika ŭ połackim pałacy kultury «Połacak‑Škłovałakno» projdzie čarhovy festyval «Rok‑Koła». Pradusar festyvalu Alaksandar Rahačoŭ adkazaŭ na pytańni TH adnosna sioletniaha festyvalu, źmienaŭ u prahramie i śpisu haściej, u jaki dadaŭsia jašče adzin znany hurt. Cikava, što sioleta možna budzie pabačyć i vystupy ŭsich laŭreataŭ «Rok‑Koła‑2006».
— Siarod novych cikavinak: planujem zrabić u zali tancplac. Kab hledačy nie siadziali na svaich kresłach, a atrymali mahčymaść być bližej da muzykaŭ, da sceny. Zdymiem čatyry šerahi kresłaŭ dy stvorym bolš‑mienš prastornuju placoŭku. Festyvalnyja kancerty projduć u dva dni, kožny pačynajecca ŭ 17:00. U kožnym ź ich voźmuć udzieł pa 10 hurtoŭ‑udzielnikaŭ dy hości. Praciahłaść kožnaha kancertu — 5‑6 hadzinaŭ.
— Letaś na zakryćci festyvalu zdaryłasia niepryjemnaść. Na zakryćci festu paśla ŭznaharodžańnia laŭreataŭ vystupu pryzeraŭ nie adbyłosia. Choć raniej takaja tradycyja była. Tak skłałasia, bo chedłajner «Rok‑Koła» — hurt «Alisa» nie pahadziŭsia dać svoj aparat pieramožcam. Kab vypravić sytuacyju, my ŭ hetym hodzie vyrašyli dać mahčymaść vystupić letašnim pieramožcam. Takim čynam, u pieršy dzień na «Rok‑Kole‑2007» vystupiać mienskaja kamanda «S.D.M» i navapołackaja «Amalhama», a druhi dzień kancertu adkryjuć mahiloŭski «Vodar Susviet» i navapołacki «Primus inter Pares». Da ŭsiaho, my zaprasili i raniejšych pieramožcaŭ našaha festu — «Skimen» i «Flaŭs i Klajn» z Navapołacku.
— Tak. Hościem buduć našyja daŭnija siabry — hurt «Krama», jaki nieadnojčy ŭžo hraŭ u našych krajach. Lider hurta Ihar Varaškievič dva hady zapar byŭ siabram žury, mahčyma, što ŭ hetym hodzie taksama daviadziecca jamu paŭdzielničać u vybary lepšych z maładych. A zakryjuć prahramu pieršaha dnia — uładalniki Hran‑Pry na «Rok‑Kole‑2006» — hurt «Deimos» z Smalensku. Heta jany letaś cudoŭna vykanali pieśniu «Miascovaha času» dy začaravali svaim vykanańniem uvieś Połacak: «Viecier na dvary haniaje pył, pa šlachu suśvietu…» Adzinahałosna tady žury abrała ich. Miarkujem, što vystup «Deimos» budzie nadta cikavy dla hledačoŭ, jany ciapier rychtujuć solnuju prahramu. Ź siurpryzaŭ «Rok‑Koła‑2007» nielha nie adznačyć vystup hurtoŭ «Staja» i Vicious Crusade. Spadziajemsia, što heta budzie sapraŭdnaje muzyčnaje śviata, jakoje nie pakinie nikoha abyjakavym!
