Na ŭkrainskim sajcie argumentua.com vykładzieny materyjały z veb-staronki bajca padraździaleńnia «Bierkut» z Chiersona, Dźmitryja Usatava, jaki vystaviŭ videa sa ździekami z aholenaha demanstranta.
Voś videa z demanstrantam, jakoje bajec raźmiaściŭ na svajoj staroncy Ukantakcie.
A voś karcinki, jakija jon źmiaščaŭ raniej:
«Naši priedki znali kak nužno riešať problemy s nasilstviennoj jevrointiehracijej». «Ukraina dla Russkich!» — tak padpisanyja ŭ jaho hetyja foty.
«My nie propahandirujem nacizm, fašizm, šovinizm — My prosto vyražajem svojo mnienije! Stranica sozdana protiv Ukrainy, kak samostojatielnoho hosudarstva», — piša Usataŭ.
«1. Ukraina nikohda nie była samostojatielnym hosudarstvom ibo rasšifrovyvajetsia, kak kraj Rośsii.
2. Ukraina nie možiet imieť nacionalnoho jazyka t.k jazyk parosiatiny, eto jazyk nie dla ludiej, — piša Usataŭ i praciahvaje:
4. Ukraina javlajetsia časťju zapadnoho fiedieralnoho okruha.
5. Ukraina nie javlajetsia samostojatielnym hosudarstvom t.k połnosťju zavisit ot sosiednich hosudarstv i viediet parazitičieskuju diejatielnosť», — śćviardžaje jon.
Pavodle apošnich źviestak, z hołaha pratestoŭca ździekvalisia śpiecnazaŭcy nie z «Bierkuta», ź inšaha milicejskaha padraździaleńnia — «Amieha» z Novych Piatroŭcaŭ. Apaznaŭ ich były kiraŭnik milicyi Kijeva Vital Jarema. «Amieha» zaklikanaja vykonvać funkcyi pa baraćbie z teraryzmam i arhanizavanaj złačynnaściu.
Staronka bajca Usatava pakazvaje, na jakija siły abapirajecca Viktar Janukovič u baraćbie z palityčnymi praciŭnikami.
Nahadajem, što ŭčora ŭ internet trapiła videa, jak milicyjanty ździekvajucca z dobraachvotnika 4-j kazackaj sotni samaabarony Majdanu Michaiła Haŭryluka — sielanina z Čarnavieckaj vobłaści. Jaho prymušali hołym paziravać na vulicy ŭ maroz. Videa vyklikała šok i abureńnie va Ukrainie.
