Baki na dośvitku spynili abstreł adzin adnaho, adzin ź mitynhoŭcaŭ pa ŭłasnaj inicyjatyvie ŭziaŭ dziaržaŭny ściah i pajšoŭ na pieramovy da siłavikoŭ.
Pa słovach pratestoŭcaŭ, jon i niekalki milicyjantaŭ adyšli na pahorki. Sutnaść pieramovaŭ pakul nieviadomaja.
Kali pieramoŭščyk pajšoŭ, tut ža na pieršaj barykadzie była dadziena kamanda spynić ataku. Zaraz vybuchi na Hrušeŭskaha zacichli.
La barykadaŭ demanstrantaŭ na vulicy Hrušeŭskaha pierad kardonam supracoŭnikaŭ śpiecpadraździaleńnia milicyi znachodzicca niekalki sotniaŭ čałaviek, jakija hrejucca la vohniščaŭ.
Raniej paviedamlałasia, što adnaviłasia siłavoje supraćstajańnie aktyvistaŭ Jeŭramajdanu i milicyi na vulicy Hrušeŭskaha ŭ Kijevie. «Bierkut» stralaŭ humovymi kulami. Aktyvisty zakidvali siłavikoŭ pietardami, kamianiami i «kaktejlami Mołatava».
Pa adnych dadzienych, aktyŭnyja dziejańni pačalisia z-za taho, što «Bierkut» adkryŭ pa mitynhoŭcach ahoń humovymi kulami i paraniŭ adnaho aktyvista.
Adnak u milicyi zajavili, što pieramirje na vulicy Hrušeŭskaha parušyli pratestoŭcy, što pravakavali siłavikoŭ.
