U Dušanbe vynieśli prysud Muštary Mubarakšojevaj — niaviestcy pasła Tadžykistana ŭ Biełarusi Kazidaŭłata Kaimdodava, jakaja była zatrymanaja niekalki miesiacaŭ tamu pa padazreńni ŭ pieravozcy hierainu.
Žančynu pryznali vinavataj u kantrabandzie narkotykaŭ u asabliva bujnym pamiery. Jaje prysudzili da dvanaccaci z pałovaj hadoŭ turmy.
Muštary Mubarakšojeva i jaje muž Kaimdodaŭ Kaimdodaŭ byli zatrymanyja ŭ aeraporcie Dušanbe 16 vieraśnia minułaha hoda.
Muž i žonka źbiralisia vylecieć u Minsku tranzitam praz Maskvu. Pry praviercy ich bahažu byŭ znojdzieny pakiet z dvuma z pałovaj kiłahramami hierainu. Narkotyki byli schavanyja ŭ patajemnym dnie čamadana, jaki naležaŭ mužu.
Paźniej miascovaja prakuratura paviedamiła, što pa spravie ab transparciroŭcy narkotykaŭ u jakaści padazravanaj prachodzić tolki Mubarakšojeva. Čamu da spravy nie byŭ pryciahnuty muž, nie ŭdakładniałasia.
Muž Mubarakšojevaj, syn pasła Tadžykistana ŭ Biełarusi, jak paviedamlałasia, pražyvaje ŭ Minsku i pracuje refierentam Ekanamičnaha suda SND.
Jaho baćka, były vice-premjer Kazidaŭłat Kaimdodaŭ, pracuje na dypłamatyčnaj słužbie ź siaredziny 2000-ch.
