Siońnia ŭ sudzie Kastryčnickaha rajona Minska abvieščany prysud fihurantam kryminalnaj spravy ab hibieli pacyjentki STAA «Ekamiedsiervis — miedycynski centr» 25-hadovaj žycharki Hrodna Julii Kubaravaj.
U jakaści abvinavačanych pa spravie prachodziać były doktar-aniestezijołah «Ekamiedsiervisa» vyšejšaj katehoryi z 23- hadovym stažam Alaksandr Šuraŭ, jaki apošni čas pracavaŭ doktaram chutkaj dapamohi, hałoŭny inžynier miedcentra Vadzim Lichuta i byłaja hiendyrektar Halina Vałžankina.
Dziaržabvinavaŭca prasiŭ sud pryhavaryć Šurava da piaci hadoŭ pazbaŭleńnia voli z adbyvańniem pakarańnia ŭ kałonii-pasialeńni i pazbaŭleńniem prava zajmacca miedycynskaj dziejnaściu terminam na piać hadoŭ.
Sud vynies rašeńnie asudzić Šurava na čatyry hady kałonii-pasialeńnia.
Alaksandr Šuraŭ pryjšoŭ na siońniašniaje pasiadžeńnie suda koratka astryžany i ź vialikaj torbaj rečaŭ.
Hałoŭny inžynier miedycynskaha centra Vadzim Lichuta prysudžany da 3 hadoŭ pazbaŭleńnia voli z adbyvańniem pakarańnia va ŭmovach kałonii-pasialeńnia. Jamu zabaroniena zajmacca peŭnymi vidami dziejnaści na praciahu 5 hadoŭ.
Były hiendyrektar miedycynskaha centra «Ekamiedsiervis» Halina Vałžankina — da 2 hadoŭ abmiežavańnia voli biez nakiravańnia ŭ papraŭčyja ŭstanovy zakrytaha typu, joj zabaroniena zajmacca miedycynskaj dziejnaściu terminam na 5 hadoŭ.