Bresckim mižrajonnym adździełam Śledčaha kamiteta 6 lutaha była raspačataja sprava pa č. 1 art. 339 Kryminalnaha kodeksa (chulihanstva) u dačynieńni da 19-hadovaha žychara Bresta.
Jak paviedamiŭ namieśnik načalnika Bresckaha mižrajonnaha adździeła SK Vadzim Dacyk, u kastryčniku 2013 hoda ŭ milicyju źviarnuŭsia žychar Bresta z zajavaj ab tym, što ŭ internecie raźmieščany źniaty na adnoj z vulic horada videamateryjał. Na im chłopiec padychodzić da mužčyny, jaki nachiliŭsia nad kantejnieram sa śmiećciem, chapaje jaho za nohi i zakidvaje ŭniz hałavoj u kantejnier.
Padčas praviedzienaj supracoŭnikami milicyi pravierki była ŭstanoŭlena asoba chulihana, skazaŭ Dacyk. Małady čałaviek učyniŭ dziejańni, jakija vyznačajucca vyklučnym cynizmam, dniom 5 kastryčnika na vulicy Karbyšava. Ustanoŭlena taksama, što videazdymku na mabilny telefon zrabiŭ siabar chulihana.
Paciarpieły — 62-hadovy žychar Bresta. Pavodle jaho słoŭ, jon šukaŭ u kantejniery dla śmiećcia ježu dla svaich katoŭ.
Padazrony raniej da kryminalnaj adkaznaści nie pryciahvaŭsia. Miera strymańnia ŭ dačynieńni da jaho nie vybirałasia.