U pieršy dzień Alimpijskich hulniaŭ u Sočy buduć razyhranyja piać kamplektaŭ miedaloŭ.
U 11:45 pačnucca spabornictvy ŭ dyscyplinie frystajła — słoŭpstajł. A 10:20 na Biełaruś-5 pačniecca kvalifikacyja, a ŭ 11:45 budzie pakazany finał.
U 13:00 budzie razyhrany kamplekt miedaloŭ u łyžnym sporcie — skiatłonie ŭ žančyn (7,5 km kłasičnym stylem + 7,5 km volnym stylem). Tranślacyja na Biełaruś-2 u 12:50.
U 14:30 — kańkabiežny sport, 5 000 m (mužčyny). Tranślacyja na Biełaruś-5.
17:30. Bijatłon, sprynt 10 km, mužčyny. Zbornuju Biełarusi buduć pradstaŭlać Uładzimir Čapielin (vyjdzie na trasu 19-m), Siarhiej Novikaŭ, jaki ŭ Vankuviery-2010 zavajavaŭ srebra (vyjdzie 50-m na dystancyju), Jaŭhien Abramienka (61) i Juryj Ladaŭ (80).
U 21:30 projdzie finał u frystajle ŭ mohule (žančyny).
U niadzielu, 9 lutaha, budzie razyhrana siem kamplektaŭ miedaloŭ,
u tym liku ŭ žanočym bijatłonnym spryncie, hornych łyžach, skačkach na łyžach z tramplina i fihurnym katańni.
