Na Alimpijadzie-2014 u Sočy narviežka Maryt Bjorhien stała čatyrochrazovaj alimpijskaj čempijonkaj, pieramohšy ŭ łyžnych honkach— skijatłonie (7,5 km kłasičnym stylem, 7,5 km - volnym stylem) z vynikam 38 chvilin 33,6 siekundy.
fota z fb Rustema Adahamava
U Vankuviery-2010 jana vyjhrała try załatyja miedali.
Druhoj siońnia stała šviedka Šarłota Kała (adstavańnie +1,8), treciaj — jašče adna narviežka Chajdzi Vienh (+13,2).
Biełaruska Alena Sańnikava — 53-ja (+5.36,1) siarod 61 udzielnicy.
Takim čynam, u Narviehii ŭžo 3 miedali — usie roznaj vartaści — paśla 2 vidaŭ prahramy Hulniaŭ u Sočy. U snoŭpstale narviežac Stale Sanbiek zavajavaŭ srebra, a zołata vyjhraŭ amierykaniec Sejdž Katsienburh.
U 14:30 pačnucca spabornictvy na 5 000 mietraŭ u kańkabiežnym sporcie u mužčyn. Tranślacyja na Biełaruś-5. Tut biełarusaŭ niama.
A 17:30 spabornictvy pa bijatłonie ŭ mužčyn (sprynt, 10 km). Tranślacyja na Biełaruś-2. Zbornuju Biełarusi buduć pradstaŭlać Uładzimir Čapielin (vyjdzie na trasu 19-m), Siarhiej Novikaŭ, jaki ŭ Vankuviery-2010 zavajavaŭ srebra (vyjdzie 50-m na dystancyju), Jaŭhien Abramienka (61) i Juryj Ladaŭ (80).
Uviečary buduć razyhranyja ŭznaharody ŭ mohule (frystajł).Tut biełarusak niama.
U niadzielu buduć razyhranyja siem kamplektaŭ uznaharod, u tym liku projdzie žanočy sprynt u bijatłonie.