U noč na 10 lutaha ŭ Bychaŭskim rajonie adbyłosia łabavoje sutyknieńnie na trasie Sankt-Pieciarburh — Adesa aŭtamabila «Chundaj-Matryks» z ukrainskimi numarnymi znakami z rejsavym aŭtobusam «Nieapłan», jaki vykonvaŭ rejs Sankt-Pieciarburh — Kijeŭ — Adesa.
Dvoje hramadzian Ukrainy — vadziciel 1994 hoda naradžeńnia i jaho 21-hadovaja pasažyrka — zahinuli ŭ vyniku DTZ.
Aŭtobus źjechaŭ u kiuviet i pierakuliŭsia nabok. U im znachodzilisia 20 pasažyraŭ, dva kiroŭcy i adna supravadžajučaja — 9 hramadzian Rasii, 13 hramadzian Ukrainy i adzin hramadzianin Małdavii. «Pasažyry aŭtobusa, vadzicieli i supravadžajučaja ŭ vyniku DTZ atrymali niaznačnyja traŭmy, ad špitalizacyi admovilisia», — zaznačyli ŭ Mahiloŭskim abłasnym upraŭleńni MNS.
Zahinułyja ŭ DTZ byli debłakiravanyja z dapamohaj śpiecyjalnaj techniki, paviedamili ŭ mahiloŭskim upraŭleńni.
Sutyknieńnie adbyłosia z-za taho, što vadziciel «Chundaja» vyjechaŭ na pałasu sustrečnaha ruchu, paviedamiła aficyjny pradstaŭnik USK pa Mahiloŭskaj vobłaści Aksana Salaniuk. Pavodle jaje słoŭ, śledstvam razhladajucca dźvie viersii pryčyny DTZ — ślizkaja daroha albo toje, što vadziciel aŭtamabila zasnuŭ za rulom.
