Znakamity saviecki i małdaŭski kampazitar Jaŭhienij Doha vykazaŭ niezadavolenaść tym, jak była apracavana jaho muzyka, vykarystanaja padčas cyrymonii adkryćcia Alimpijady ŭ Sočy. Pra heta jon napisaŭ na svajoj staroncy ŭ Facebook.
«Ja rady, što maju muzyku paśla Alimpijady-80 znoŭ uklučyli ŭ prahramu adkryćcia alimpijady Sočy-2014, — piša Doha.— Ale jak tak možna — vykłaści hetuju muzyku nie viedaju kim pry žyvym aŭtary!? Mnie navat nie paviedamili, što niechta budzie «apracoŭvać» mianie. Navošta? I navat na zapis nie byŭ zaprošany».
Doha zajaviŭ, što «zhubiŭ tvar hetaj «aranžyroŭkaj», bo, pa jaho słovach, «vals zavajavaŭ pryznańnie dziakujučy vyklučnaj arkiestroŭcy z choram i z pravilna vybudavanaj dramaturhijaj», jakaja adsutničała na cyrymonii adkryćcia Hulniaŭ.
«Kamuści zachaciełasia prakacicca na čužym kani? Drenny vieršnik!» — skazaŭ na zakančeńnie kampazitar.
Nahadajem, raniej śpiavačka Ziemfira była aburanaja tym, što jaje muzyka była vykarystanaja na adkryćci Alimpijskich hulniaŭ bieź jaje dazvołu.