Gazeta.pl
Siońnia na Alimpijskich hulniach u Sočy adbyłasia žanočaja honka na 10 km kłasičnym stylem. Pieramohu atrymała Justyna Kavalčyk z Polščy z vynikam — 27.17,8.
Šarłota Kała (Šviecyja) zavajavała srebra (adstavańnie +18,4) Tereza Jochaŭh (Narviehija) — bronza (+28.3).
U niadzielu Justyna šakavała svaich prychilnikaŭ zajavaj, što budzie praciahvać vystup u Sočy, niahledziačy na pierałom kostak stupni. Na svajoj staroncy ŭ sacyjalnaj sietcy Facebook łyžnica apublikavała fatahrafiju renthienaŭskaha zdymka i podpis: «Renthien majoj stupni. Šmatuzroŭnievy pierałom. Z pryvitańniem da ŭsich «ekśpiertaŭ». Spakojna. Budu biehać dalej».
Nahadajem, što pieršaje zołata Alimpijady dla Polščy zavajavaŭ Kamil Stoch (u skačkach na łyžach).
Nieaficyjny kamandny zalik (z zavajavanymi krainami załatymi miedalami)
| Miesca | Kraina | Zołata | Srebra | Bronza | Usiaho |
|---|---|---|---|---|---|
| 1 | Hiermanija | 6 | 1 | 1 | 8 |
| 2 | Kanada | 4 | 4 | 2 | 10 |
| 3 | Narviehija | 4 | 3 | 6 | 13 |
| 4 | ZŠA | 4 | 2 | 6 | 12 |
| 5 | Hałandyja | 4 | 2 | 4 | 10 |
| 6 | Šviejcaryja | 3 | 0 | 1 | 4 |
| 7 | Rasija | 2 | 4 | 3 | 9 |
| 8 | Polšča | 2 | 0 | 0 | 2 |
| 9 | Aŭstryja | 1 | 4 | 0 | 5 |
| 10 | Słavienija | 1 | 1 | 2 | 4 |
| 11 | Francyja | 1 | 0 | 2 | 3 |
| 12-14 | Biełaruś | 1 | 0 | 0 | 1 |
| Paŭdniovaja Kareja | 1 | 0 | 0 | 1 | |
| Słavakija | 1 | 0 | 0 | 1 |
