«Art-Siadzibu sprabujuć začynić užo piaty raz. Ułaśnik pamiaškańnia, dzie piaty miesiac znachodzicca «Art-Siadziba», Biełaruskaje tavarystva palaŭničych i rybałovaŭ, vyrašyła razarvać damovu arendy, bo źniataje pamiaškańnie, spatrebiłasia im dla ŭznaŭleńnia ŭłasnaj šviejnaj vytvorčaści», paviedamlajecca na sajcie ŭstanovy.
Arendadaŭca razryvaje hadavuju damovu, daŭšy niekalki dzion na vysialeńnie, 21 lutaha Art-Siadziba pavinna pakinuć pamiaškańnie na zavułku Instrumientalnym 6.
Aficyjnaja farmuloŭka — u hetym pamiaškańni budzie ŭznaŭlacca šviejny cech. Raniej uvieś budynak u Instrumientalnym zavułku byŭ vytvorčym, tam rabili prystasavańni dla rybałki, šyli śpiecvopratku.
Apošnija paŭhoda pracy aktyŭnaj vytvorčaści ŭ hetym budynku nie viałosia, a amal usie pamiaškańni i navat padvały — heta ofisy roznych pryvatnych kampanij. Za niekalki miesiacaŭ pracy ŭ pamiaškańni adbyłosia bolš za 80 mierapryjemstvaŭ.
Art-Siadziba — heta centr moładzievych tvorčych inicyjatyvaŭ. Niezaležny, jon daje placoŭku dla artystaŭ z «čornych śpisaŭ» u tym liku.
Jany nie majuć svajho budynku, arandujuć pamiaškańni. Tolki zdymuć — iznoŭ ich vyhaniajuć.
