Pamočnik prezidenta pa ekanamičnych pytańniach Kirył Rudy vystupiŭ z novymi prahramnymi zajavami. Jahony vystup u efiry «Hałoŭnaha efira» (niadzielnaja «Panarama») datyčyŭsia refarmavańnia ŭ kadravaj palitycy.
Jak Biełarusi, jakaja adčuvaje deficyt kankurentazdolnych kiraŭnikoŭ, treba abnaŭlać kadravy rezierv?
«Pieršaje i hałoŭnaje – układvać va ŭłasnuju adukacyju, —
pierakanany doktar ekanamičnych navuk Kirył Rudy. – Tyja paśpiachovyja chłopcy, jakija źjechali za miažu, tak ci inačaj atrymlivali adukacyju ŭ Biełarusi. Jany stali zapatrabavanyja z bazaj, jakuju atrymali ŭ nas».
Druhuju ideju Rudy bačyć u nakiravańni śpiecyjalistaŭ na stažyroŭki za miažu.
«U mnohich krainach heta apłačvaje dziaržava, heta było i ŭ Kitai, i ŭ Kazachstanie, – razvažaje jon. – Ujavicie, kali ź viadučaha top-univiersiteta śvietu, naprykład, Kembrydža, vierniecca naš vypusknik, i jaho b zrabili načalnikam adździeła ŭ Minharvykankamie. Mnie padajecca, jon tam taki dysbałans uniasie… Tym nie mienš prymusić niejak pa-inšamu hladzieć i na siabie, i na śviet».
Treciaja ideja pamočnika prezidenta najbolš niečakanaja.
Rudy prapanuje zaprasić biełaruskich emihrantaŭ viarnucca ŭ krainu.
«Paśla raspadu Savieckaha Sajuza byli chvali emihracyi. Mnohija našyja suajčyńniki źjechali za miažu, i jany paśpiachovyja tam u mižnarodnaj śfiery, na suśvietnych rynkach», – tłumačyć jon.
Rudy sumniajecca, što niechta z emihrantaŭ rašycca pierakreślić častku svajho žyćcia i skazać: ja nikoli nie ŭzhadaju pra Biełaruś.
* * *
Niekalki tydniaŭ tamu Rudy apublikavaŭ u «Savieckaj Biełarusii» prahramny artykuł, u jakim zajaviŭ: zamiest pramysłovaści pierśpiektyŭniej zajmacca śfieraj pasłuh i aj-ci.
Pamočnik prezidenta Kirył Rudy zaniaŭ svaju pasadu paŭhoda tamu. Jahonaha papiarednika, adyjoznaha Siarhiej Tkačova, padabraŭ «Amkador» aliharcha Alaksandra Šakucina. Tkačoŭ staviŭ u prykład stalinskuju ekanomiku i zaklikaŭ naroščvać pramysłovyja mahutnaści.
* * *
