Uładzimier Adaškievič |
«U Biełarusi nie budzie rezkaha rostu cen na važniejšyja spažyvieckija tavary. Hetyja ceny kantralujucca dziaržavaj, tamu skačkoŭ nie budzie, — padkreśliŭ Uładzimir Adaškievič. — U tym liku heta datyčycca małaka i małočnaj pradukcyi».
Adnosna zakupačnych cen na małako Uładzimir Adaškievič adznačyŭ, što ich pavyšeńnie adbyvajecca ŭ adpaviednaści z hadavym prahnozam, jaki praduhledžvaje pavieličeńnie zakupačnych cen na małako na 5 pracentaŭ u studzieni, na 5 pracentaŭ u vieraśni i na 10 pracentaŭ u kastryčniku.
«Što datyčycca rostu adpusknych i roźničnych cen na charčovyja pradukty, to tut taksama ŭsio budzie adbyvacca ŭ ramkach prahnozu. Nijakich vyraŭnoŭvańniaŭ cen na pradukty charčavańnia ź ich uzroŭniem u Rasijskaj Fiederacyi ŭ Biełarusi nie razhladajecca», — zapeŭniŭ namieśnik ministra.
Pavodle słoŭ Uładzimira Adaškieviča, ceny na spažyvieckija tavary ŭ Biełarusi buduć pavyšacca ŭmierana, u ramkach inflacyi. U pryvatnaści, ceny na małočnuju pradukcyju, z ulikam pavyšeńnia zakupačnych cen, uzrastuć prykładna na 3 pracenty ŭ kastryčniku i listapadzie biahučaha hoda i nie bolš jak na 2 pracenty ŭ śniežni.
Namieśnik ministra ekanomiki taksama adznačyŭ, što ciapier u Biełarusi nie razhladajecca pytańnie pavyšeńnia cen na muku, chleb i chlebabułačnyja vyraby, miasa i miasnuju pradukcyju. ‑