Sinod Ukrainskaj pravasłaŭnaj carkvy Kijeŭskaha Patryjarchatu zaklikaje Ukrainskuju pravasłaŭnuju carkvu Maskoŭskaha Patryjarchatu i častku ŭkrainskaj aŭtakiefalnaj carkvy abjadnacca ŭ adzinuju pamiesnuju Ukrainskuju Pravasłaŭnuju Carkvu.
Pra heta havorycca ŭ zvarotach Sinoda UPC KP ab nieabchodnaści nieadkładnaha pieraadoleńnia padziełu Pravasłaŭnaj Carkvy va Ukrainie. Jak paviedamlaje Relihijna-infarmacyjnaja słužba Ukrainy, adzin zvarot nakiravany va UPC (Maskoŭskaha Patryjarchatu), druhi — častcy jepiskapatu UAPC.
Jak adznačaje Sinod UPC KP: «U hety trahičny i losavyznačalny momant historyi ŭkrainskaha naroda jak nikoli vidavočna nieabchodnaść pieraadoleć padzieł Pravasłaŭnaj Carkvy va Ukrainie, jaki doŭžycca ŭžo bolš za 20 hadoŭ, i stvareńnie va Ukrainie adzinaj Pamiesnaj Ukrainskaj Pravasłaŭnaj Carkvy».
«Isnujučy padzieł ciesna źviazana z padziełam u hramadstvie, uzmacniaje jaho i ŭzmacniajecca ad jaho. Adzinaja Pamiesnaja Carkva pavinna i mahła b hrać mahutnuju miratvorčuju i abjadnaŭčuju rolu ŭ hramadstvie, spryjać uzajemarazumieńniu pamiž roznymi siłami, niedapuščeńniu raspalvańnia varožaści na nacyjanalnaj, relihijnaj, rehijanalnaj, moŭnaj asnovie», — adznačaje Sinod UP KP.
