Eks-prezident Ukrainy Viktar Janukovič abvieščany ŭ vyšuk. Pra heta paviedamlaje Hienprakuror Aleh Machnicki.
«Mahu paviedamić, što paviedamlena ab padazreńni byłomu prezidentu Viktaru Janukoviču. Jon abjaŭleny ŭ vyšuk. Artykuł — masavyja zabojstvy ludziej, art.115, č.1 (naŭmysnaje zabojstva) z abciažarvalnymi abstavinami», — zajaviŭ Machnicki.
Jon padkreśliŭ, što vyšukam Janukoviča zajmajucca apieratyŭna - vyšukovyja padraździaleńni Słužby biaśpieki i Ministerstva ŭnutranych spraŭ.
Pry hetym adkazvajučy na pytańnie ab tym, ci abvieščanyja ŭ vyšuk eks-hienprakuror Viktar Pšonka, eks-kiraŭnik MUS Vital Zacharčanka i inšyja byłyja vysokapastaŭlenyja asoby, v.a. hienprakurora skazaŭ:
«Sprava zaviedziena pa faktach zabojstvaŭ, u joj fihuruje kala 50 čałaviek. Ciapier, mahčyma, budzie i bolš».