«Akazvajecca, Viktar Janukovič kraŭ nie tolki hrošy i majomaść ŭkrainskich hramadzian. Jon kraŭ historyju ŭkrainskaha naroda, — piša ŭ svaim błohu na «Ukranskaj praŭdzie» žurnalist Dmytro Hnap. — Siońnia nočču bajcy samaabarony, Pravaha siektara i aktyvisty Aŭtamajdanu pakazali mnie schovišča kaštoŭnych knih u rezidencyi Mižhorje.
Ubačanaje šakavała. Janukovič umudryŭsia vykraści dyjamienty ŭkrainskaha piśmienstva.
I kinuŭ staražytnuju biblijateku, ratujučysia ad hnievu ludziej.
U pryvatnaści,
siarod mnohich staražytnych knih — «Apostał» Ivana Fiodarava. Heta pieršaja ŭkrainskaja kniha. Ź jaje pačałosia ŭkrainskaje knihadrukavańnie. Skraści «Apostał» — usio adno, što skraści Safijski sabor.
Toje, što pierada mnoj aryhinał, paćviardžałasia navukovaj daviedkaj Muzieja knihi i knihadrukavańnia Ukrainy», — piša žurnalist.
Ale jakim čynam nacyjanalny skarb apynuŭsia ŭ rezidencyi kiraŭnika dziaržavy? «Mahčyma, takim čynam da Janukoviča sprabavaŭ padlizacca viadomy knižny złodziej — eks-ministr adukacyi Dźmitryj Tabačnik», — ličyć Hnap.
Taksama, pavodle jaho słovaŭ, u knihaschoviščy Mižhorja byli inšyja redkija knihi ad XVI—XVII st.
