Tysiačy dnieprapiatroŭcaŭ u subotu ŭviečary vyjšli na spantanny «antypucinski» marš, pratestujučy suprać vajennych dziejańniaŭ Rasiei na terytoryi Ukrainy.
Pad sinia-žoŭtymi ściahami ludzi prajšli šeściem ad budynku Dnieprapiatroŭskaj abłdziaržadministracyi da płoščy Hierojaŭ Majdanu (byłoj płoščy imia Lenina).
Jany skandavali «Uschod i Zachad razam», «Dałoŭ Pucina», «Pucin — Hitler», «Pucinu kaput», «Ukraina — nie Rasija». U adkaz im sihnalili dziasiatki aŭtamabilaŭ, jakija jechali pobač.
Na płoščy Hierojaŭ Majdanu ŭdzielniki mierapryjemstva adnavili źniaviečany ŭ subotu dniom pradstaŭnikami prarasiejskich sił impravizavany miemaryjał Hierojam Majdanu, paviedamlajuć ukrainskija ŚMI.
0
0
0
0
0
0