Ukrainskija maraki pieraduchilili vyvaz zbroi z vajskovaj častki 191-ha vučebnaha atrada VMS Ukrainy.
Pra heta paviedamlajecca na aficyjnym videakanale niezaležnaha marskoha partału «Sea Breeze» (Navy News).
Jak adznačajecca ŭ paviedamleńni, ranicaj rasijskija śpiecnazaŭcy pranikli na terytoryju častki i zachapili zbroju. Adnak vyvieźci jaje nie zmahli: maraki zabłakavali vyjezd rasijskaha KAMAZa bronietransparcioram BTR-80.
Aficery VMSU stali žyvym ščytom vakoł bronietransparciora i nie dali rasijskim vajennym adbuksiravać jaho ŭbok.
«Niahledziačy na toje, što rasiejcy dvojčy stralali z aŭtamata ŭ pavietra, ukrainskija vajskoŭcy nie adstupili i nie paddalisia na pravakacyju siłavoha scenara. Takim čynam udałosia pryjści da kampramisu: rasijski śpiecnaz pakinuŭ terytoryju vajskovaj častki, a KAMAZ sa zbrojaj u supravadžeńni ŭkrainskich vajskoŭcaŭ adpraŭleny na 174- ju bazu zachoŭvańnia VMS Ukrainy», — paviedamlaje partał.