«U prezidenta Pucina, mabyć, inšy nabor jurystaŭ. Moža być, u jaho inšy nabor interpretacyj. Ale ja nie dumaju, što heta moža kahości naduryć, — tak praezident ZŠA Barak Abama prakamientavaŭ vykazvańni Uładzimira Pucina na pres-kanfierencyi ŭ aŭtorak. — Abama zajaviŭ, što dziejańni Rasiei adnosna Ukrainy adšturchnuć ad jaje inšyja krainy. «U krain, što pablizu Rasii, jość hłybokaja zaniepakojenaść i padazreńni adnosna padobnaha ŭmiašańnia ŭ spravy», — skazaŭ Abama. «Heta adšturchnie mnohija krainy dalej ad Rasiei», — dadaŭ prezident ZŠA.
Jon zajaviŭ, što Rasieja maje ŭsie mahčymaści, kab vyjści ź situacyi i narmalizavać jaje. Abama skazaŭ, što «ŭ Rasii jość mahčymaść pracavać ź mižnarodnaj supolnaściu dla stabilizacyi situacyi va Ukrainie», cytuje jaho ahienctva EFE. «Ja dumaju, što ŭsie pryznajuć, što choć u Rasii i jość zakonnyja intaresy, jakija tyčacca susiednich dziaržavaŭ, u jaje niama prava ŭžyvać siłu dla baraćby za hetyja intaresy», — pryvodzić jaho słovy «Interfaks». Škada, skazaŭ Abama, kali ŭ Rasiei inakš interpretujuć situacyju, jakaja skłałasia.
Ukraina, skazaŭ Abama, kali nichto nie budzie joj pahražać, moža padtrymlivać siabroŭskija adnosiny adnačasova z Rasijaj i Zachadam.
