Jeŭrapiejski sajuz nieadkładna padpiša palityčnyja raździeły pahadnieńnia ab asacyjacyi z Ukrainaj.
Pra heta zajaviŭ prezident Jeŭrapiejskaj kamisii Žaze Manuel Barozu.
Vystupajučy na samicie jeŭrapiejskich rehijonaŭ i haradoŭ u Afinach Barozu zajaviŭ, što ES pierad Ukrainaj maje doŭh i abaviazak salidarnaści.
Taksama jon nahadaŭ, što va Ukrainie bolš za 100 čałaviek zahinuli za jeŭrapiejskija kaštoŭnaści, za toje, kab Ukraina taksama prytrymlivałasia ich.
Raniej Prezident Barozu paviedamiŭ, što Jeŭrakamisija ŭzhadniła pakiet finansavaj dapamohi dla Ukrainy, što praduhledžvaje pradastaŭleńnie pa krajniaj miery 11 miljardaŭ u nastupnyja niekalki hadoŭ.
«Našaj najvažniejšych metaj źjaŭlajecca sadziejničańnie mirnamu vyrašeńniu hetaha kryzisu va Ukrainie. Razam z tym mižnarodnaja hramadskaść maje mabilizavacca, kab dapamahčy Ukrainie stabilizavać jaje ekanamičnuju i finansavuju situacyju», — adznačyŭ jon.
Akramia taho premjer -ministr Ukrainy Arsienij Jacaniuk, znachodziačysia ŭ Bruseli, zajaviŭ, što padpisańnie palityčnaj častki pahadnieńnia ab asacyjacyi pamiž Ukrainaj i ES mahčymaja ŭ bližejšyja tydni i ciapier adbyvajucca čysta techničnyja kansultacyi ab dacie padpisańnia pahadnieńnia.
