Kiraŭnik Ukrainskaj pravasłaŭnaj carkvy Kijeŭskaha patryjarchata Fiłaret vystupiŭ siońnia na Narodnym vieča na Majdanie.
«My śviatkujem jubilej Šaŭčenki ŭ bolš čym składany čas dla Ukrainy, — kaža Fiłaret. — Uvieś śviet pryznaje, što Rasija stała našym ahresaram. Da hetaj ahresii datyčnaja RPC na čale z patryjarcham Kiryłam.
Carkva nie pavinna padtrymlivać uładu, jakaja chodzić kryvymi darohami. Heta šlach chłuśni. Rasiejskija vojski akupavali Krym. Takaja ahresija — heta zło i chłuśnia.
Ukraina, jak miralubnaja dziaržava, addała svaju jadziernuju zbroju. Adnym z harantaŭ terytaryjalnaj cełasnaści była Rasija. I hety harant napaŭ na našu terytoryju.
Rasijskaja prapahanda abvinavačvaje ŭkrainski narod u pryhniatańniach rasijskamoŭnaha nasielnictva. Tut možna ŭspomnić Hitlera, jaki pierad Druhoj suśvietnaj vajnoj, taksama abaraniaŭ niemcaŭ u Aŭstryi, a zatym raźviazaŭ vajnu. Nie daj Boh, kab hetaja abarona rasijskamoŭnaha nasielnictva stała pačatkam novaj vajny. My molimsia, kab Haspodź nie dapuściŭ hetaha.
Naša carkva 20 lutaha spyniła malitvu za złačynnuju ŭładu i na druhi dzień Janukovič źbieh. Boh moža stvaryć takija ŭmovy, što vorah pabiažyć.
U nas jość jašče praŭdzivyja haranty — heta ZŠA i Vialikabrytanija, jakija nie admaŭlajucca ad svaich abaviazkaŭ. Kali jany nie abaroniać terytaryjalnuju niedatykalnaść Ukrainy, chto im pavieryć u budučyni? Chto pavieryć u mižnarodnyja dahavory?
U pieršuju čarhu my pavinny spadziavacca na samich siabie. Treba rabić usio, kab naša dziaržava była demakratyčnaj i cełaj.
My prosim Jeŭrasajuz pryniać Ukrainu. Spačatku asacyjavanym siabram, a zatym pastajannym. Tady ŭkrainski narod budzie ŭ biaśpiecy i nijakija vorahi nie aśmielacca napadać na nas».
