Aktyvist Abjadnanaj hramadzianskaj partyi Siarhiej Palčeŭski, zatrymany 9 sakavika padčas pieradvybarčaha pikieta, aryštavany na 10 sutak. Razhlad administracyjnaj spravy adbyŭsia 10 sakavika ŭ sudzie Savieckaha rajona Minska, paviedamiła pres - słužba AHP.
Palčeŭski, jaki źjaŭlajecca davieranaj asobaj kandydata ŭ deputaty Minharsavieta ad AHP Antona Žyłko, byŭ zatrymany kala Kamaroŭskaha rynku, dzie pa vychadnych pravodziacca dazvolenyja ŭładami pieradvybarčyja pikiety. Akcyja prachodziła pad łozunham «Za sumlennyja vybary». Jaje ŭdzielniki zaklikali minakoŭ nie spryjać falsifikacyjam i ŭ vypadku prymusovaha ŭdziełu ŭ vybarach vykreślivać ź biuleteniaŭ ŭsich kandydataŭ. Ludziam razdavali ŭlotki ź infarmacyjaj ab karupcyi ŭ Biełarusi. Na Palčeŭskim byŭ nadziety papiarovy płakat ŭ vyhladzie kamizelki z nadpisami: «Urad u adstaŭku «, « Aŭtapošlina? Pajšli na …» i inšymi. Jaho zatrymali nieviadomyja ŭ cyvilnym, jakija akramia hetaha adabrali va ŭdzielnikaŭ akcyi ŭlotki.
