XV spravazdačna-vybarny źjezd Biełaruskaj sacyjał-demakratyčnaj partyi (Hramada) adbudziecca 16 sakavika ŭ Minsku, paviedamiła staršynia partyi Iryna Vieštard.
U mierapryjemstvie płanujecca ŭdzieł kala 100 delehataŭ z roznych rehijonaŭ Biełarusi. Na źjeździe budzie abrany staršynia partyi, jaho namieśniki, členy Centralnaha kamiteta, płanujecca abmierkavać źmianieńni i dapaŭnieńni ŭ statut i vybarčy rehłamient.
Treba adznačyć, što Biełaruskaja sacyjał-demakratyčnaja partyja (Hramada), kiraŭnikom jakoj ciapier źjaŭlajecca Iryna Vieštard, — adna z troch palityčnych struktur z padobnaj nazvaj.
Akramia jaje isnuje Biełaruskaja sacyjał-demakratyčnaja Hramada pad kiraŭnictvam eks-śpikiera Viarchoŭnaha savieta Biełarusi Stanisłava Šuškieviča, a taksama dziejničaje arhanizacyjny kamitet pa stvareńni Biełaruskaj sacyjał-demakratyčnaj partyi (Narodnaja Hramada), kiraŭnikom jakoha źjaŭlajecca eks-kandydat u prezidenty Biełarusi palitviazień Mikałaj Statkievič.