Rasijska-ŭkrainski kryzis prymusiŭ urad Polščy nieadkładna zaniacca raspracoŭkaj zakonaprajektaŭ, jakija rehulujuć zdabyču słancavaha hazu ŭ krainie.
Prajekty źmienaŭ ŭ zakonach ab hieałohii, vykidach parnikovych hazaŭ i zakonie ab raspracoŭcy nietraŭ, pavinny stvaryć sistemu, maksimalna spryjalnuju dla šyrokaj zdabyčy hazu. Pakietam zakonaŭ zaniałasia siońnia Rada ministraŭ krainy.
Novyja zakony buduć rehulavać pytańni pošuku i dazvołu na zdabyču hazu, a taksama padatkaŭ. Dziakujučy novaŭviadzieńniam pravodzić pošukavyja pracy i zdabyvać haz na terytoryi Polščy zmohuć adnačasova šmat firmaŭ. Raniej zakony praduhledžvali, što pracami pa zdabyčy hazu mahli zajmacca tolki niekalki vybranych dziaržavaj firmaŭ. Mienavita heta strymlivała zamiežnych inviestaraŭ ad ŭvachodu na polski rynak.
Zhodna z novymi praviłami, jakija choča pryniać urad, atrymać dazvoł na zdabyču hazu ŭ Polščy budzie značna praściej. Hieafizičnyja daśledavańni možna budzie pravodzić u zajaŭlalnym paradku. Buduć taksama ŭviedzienyja aŭkcyjony na atrymańnie kancesij dla kampanij, jakija prajšli adbor. Urad choča maksimalna spraścić praces zdabyčy słancavaha hazu i nie stvarać novych kantrolnych orhanaŭ. Kantrolnyja funkcyi buduć uskładzienyja na ŭžo isnujučyja dziaržaŭnyja struktury.
Amerykanskaje ahienctva enerhietyčnaj infarmacyi acaniła zapasy słancavaha hazu ŭ Polščy ŭ 5 tryljonaŭ kubamietraŭ. Polski hieałahičny instytut niadaŭna pradstaviŭ ličbu ŭ 10 razoŭ mienšuju.
