Zapis u «Žyvym Žurnale» Alaksieja Navalnaha:
«Pryvoziać mianie, značyć, učora ŭ SK na «aznajamleńnie z materyjałami spravy». A ŭ kabiniecie ŭ śledčaha siadzić vietlivy małady čałaviek u kaściumie: Dobry dzień, ja z prakuratury. Pa daručeńni Hienieralnaj Prakuratury Rasii ja pavinien vas apytać.
Nu, a mnie-ta razmaŭlać ni z kim nielha pa ŭmovach chatniaha aryštu, tamu ja adkazvaju, što apytać mianie prablematyčna (i navat, adkazvaju ja, niezakonna), ale moj advakat moža dać niejkija tłumačeńni.
A sam sabie radujusia. Voś, dumaju, raz daručeńnie z Hienprakuratury, značyć pačali raźbirać jakuju-niebudź z našych skarhaŭ pa fakcie karupcyi.
Moža, kvatera Žyryka-małodšaha, moža pałac u Francyi Babakova, a, moža, — čym čort nie žartuje — navat i pa Alimpijadzie jakuju-niebudź sa skarhaŭ pačali raźbirać. Bo pavinny — niekatoryja vypadki zusim vidavočnyja, nielha admachnucca ad ich.
I tut vietlivy čuvak z prakuratury vykładvaje na stoł papierki: chočam apytać vas z nahody łasia. Voś, my navat fatahrafiju dla vas pavialičyli.
Śledčy śmiajecca, advakat śmiajecca, čuvak z prakuratury ź vialikim vysiłkam imkniecca trymać surjoznuju fizijanomiju.
Jaki łoś?! Ma vam kožny dzień pišam pra miljardnyja kradziažy, vam heta nie cikava. I ciapier Hienieralnaja prakuratura daje daručeńnie apytać mianie pra łasia?!
Heta ŭsio ja moh by skazać, kali b mieŭ prava niešta skazać. A takija pravy ŭ nas, jak viadoma, zabiraje Basmanny sud.
Tamu ja prosta sumna pahladzieŭ u akno i ŭzdychnuŭ.
Vyśvietliłasia, što heta navat nie niejki deputat-łajdak z «Adzinaj Rasii» zapyt u HP adpraviŭ. Heta Hienprakuratura sama, pa svajoj inicyjatyvie pačała pravierku pa faktach publikacyi ŭ ŚMI.
Heta ž prosta cudoŭnaja schiema:
1. U sacsietcy Navalnaha znachodzicca fotazdymak Navalnaha z palavańnia.
2. Padšukvajecca jakaja-niebudź nienarmalnaja baba, jakaja zajaŭlaje: na fatahrafii trava zialonaja, a značyć palavańnie była letam, a značyć Navalny — brakańjer i jaho treba pryciahnuć da kryminalnaj adkaznaści.
Pry tym, što na darosłaha łasia palujuć z 1 vieraśnia.
3. Kuča murziłačnych ŚMI piša artykuły na temu «Navalny brakańjer i jaho pravieryć prakuratura». NTV navat telerepartaž rabiła. Pry hetym, u prakuraturu nichto navat nie znajšoŭ času napisać.
4. Hienprakuratura daje daručeńnie pravieści pravierku pa faktach publikacyi ŭ ŚMI.
Mnie zdajecca, heta całkam hienijalnaja schiema i treba ni ŭ jakim razie nie spyniacca i vykarystoŭvać jaje dalej.
Maje fatahrafii ź internetu mohuć dać šturšok šmatlikim šakavalnym rasśledavańniam:
Navalnyj sa strelbaj. Mahčyma, hetaja zbroja ŭ jaho niezakonna. Hienprakuratura viadzie pravierku, a Śledčy Kamitet vyśviatlaje, ci nie zabivali z hetaj strelby inkasataraŭ.
Navalnyj pobač z aŭtamabilem. Hienprakuratura pravieryć, ci nie skraŭ jon hetuju mašynu, znachodziačysia ŭ pjanym vyhladzie.
U restaranie muž i žonka Navalnyja zapatrabavali, kab im za stałom prysłuhoŭvali niepaŭnaletnija dzieci. SK pačaŭ rasśledavańnie. Partyja «Adzinaja Rasija» zajaviła, što hatovaja akazać dapamohu małym, jakija paciarpieli ad dziejańniaŭ apazicyjaniera.
Prosta dzivosny novy śviet adkryvajecca, kali kreatyŭna prymianiać hetuju schiemu z fatahrafijami i pravierkami. Usim praca znojdziecca: i palicyi, i žurnalistam kramloŭskich ŚMI, i prakuratury».
