Telefonnuju razmovu na temu refierendumu ŭ Krymie mieli ŭ niadzielu prezidenty Rasii Uładzimir Pucin i ZŠA Barak Abama. Pucin skazaŭ Abamu, što plebiscyt prajšoŭ u poŭnaj adpaviednaści ź mižnarodnym pravam, paviedamlaje pres-słužba Kramla.
Pucin taksama zajaviŭ, što naziralniki Arhanizacyi pa biaśpiecy i supracy ŭ Jeŭropie (ABSIE) pavinny być raźmieščany va ŭsich rehijonach Ukrainy. Na dumku Kramla, abodva prezidenoty zhadzilisia, što, niahledziačy na roźnicu ŭ padychodach, treba razam šukać šlachi stabilizacyi situacyi va Ukrainie.
U svaju čarhu, pres-słužba Biełaha Doma zajaviła, što Abama ŭ razmovie dekłaravaŭ Pucinu, što ZŠA i mižnarodnaja supolnaść «nikoli nie pryznajuć» refierendum u Krymie.
Na dumku Abamy, kryzis va Ukrainie jašče možna vyrašyć dypłamatyčnym šlacham, ale tolki pry ŭmovie vyvadu rasijskich vojskaŭ z terytoryi Ukrainy.