Udava Kurta Kabejna, śpiavačka Kortni Łaŭ znajšła na spadarožnikavym zdymku ŭ internecie mierkavany śled źnikłaha małajzijskaha «Boinha». Pra heta jana napisała na svajoj staroncy ŭ Facebook, padmacavaŭšy hipotezu fatahrafijaj.
«Ja nie ekśpiert, ale, kali pryhledziecca, heta vyhladaje jak samalot i naftavaja plama pobač ź im», — napisała Łaŭ.
Na momant napisańnia naviny (10:30) dopis Łaŭ łajknuli bolš za 8 tys. čałaviek, a 8 753 padzialilisia publikacyjaj. Adzin z karystalnikaŭ pa imieni Džejms Sił napisaŭ u kamientarach: «Klanusia boham, Kortni znajšła hety ****** [dzioŭbany] samalot». Hety kamientar sabraŭ kala vaśmi z pałovaj tysiač łajkaŭ.
Aficyjnych kamientaroŭ ad uładaŭ Małajzii z nahody rasśledavańnia, praviedzienaha Kortni Łaŭ, pakul nie pastupała.
Miarkujučy pa kaardynatach, heta miesca znachodzicca ŭ Małakskaj zatocy, kala vyspy Pierak.
Boeing 777 kampanii Malaysia Airlines, jaki ruchaŭsia rejsam z Kuała-Łumpura ŭ Piekin z 239 ludźmi na borcie, źnik z radaraŭ u noč na 8 sakavika. Pieršapačatkovyja pošuki, jakija prachodzili ŭ Paŭdniova-Kitajskim mora, dzie byli zafiksavanyja apošnija sihnały, nie prynieśli vynikaŭ. Paśla ich terytoryja była istotna pašyrana. 15 cakavika stała viadoma, što ŭłady Małajzii razhladajuć viersiju ŭhonu samalota, da jakoha, jak miarkujecca, mohuć być datyčnyja piłoty łajniera.
