«Što tyčycca analizu ŭsich kalarovych revalucyj, u tym liku apošnich padziej na Ukrainie — biezumoŭna, taki analiz my pavinny zrabić, z tym kab zaścierahčy našych hramadzian ad svavolstva roznych ultrasaŭ, ad svavolstva terarystyčnych elemientaŭ i ludziej z radykalnymi pohladami «, — skazaŭ Pucin na sustrečy ź sienatarami.
Prezident Rasii Uładzimir Pucin 27 sakavika abmierkavaŭ z členami Savieta Fiederacyi pytańni intehracyi Kryma i Sievastopala ŭ adzinaje pravavoje, ekanamičnaje, kulturnaje, sacyjalnaje i administracyjnaje pole krainy.
Pry hetym jon paprasiŭ parłamientaryjaŭ «być akuratnymi«.
«Nam nielha ŭpadać ni ŭ jakuju ejfaryju i stvarać umovy, nieprymalnyja dla hramadzianskaj supolnaści, dla abarony svaich pravoŭ… Hramadzianie krainy pavinny zaŭsiody razumieć, što ŭ ich jość nabor srodkaŭ i mietadaŭ — zakonnych srodkaŭ i mietadaŭ, jakimi jany mohuć skarystacca, kab pradjavić pretenzii ŭładzie, kali inšym sposabam heta zrabić niemahčyma, u tym liku mitynhami, demanstracyjami, šeściami«.
«Takoje volevyjaŭleńnie pavinna być u ramkach zakona. Nichto nie pavinien pretendavać na toje, kab vychodzić za hetyja ramki, vykarystoŭvać tolki mirnyja mietady i kab ułada nie stvarała dla siabie ciapličnyja umovy i nie chavałasia za niejkija represiŭnyja ramki, biaźmierna pašyrajučy svaju represiŭnuju funkcyju. Heta ŭsio pavinna być u viadomym bałansie«, — skazaŭ Pucin.
«Toje, što my pavinny analizavać padziei, jakija vakoł nas adbyvajucca — u infarmacyjnaj śfiery, u pratestach — heta biezumoŭna, tolki ja vas zaklikaju da taho, kab na hetaj chvali nie naprymać niejkich rašeńniaŭ, jakija istotnym čynam abmiežavali b hramadzianskija svabody, prava hramadzian na vykazvańnie svajho mierkavańnia«, — udakładniŭ Pucin.
