Siońnia nočču adbyłasia telefonnaja razmova dvuch prezidentaŭ.
Abama vykazaŭ zaniepakojenaść z nahody kancentracyi rasijskich uzbrojenych siłaŭ na miažy z Ukrainaj. Raniej zachodniaja presa paviedamlała sa spasyłkaj na dadzienyja raźviedki, što Rasija skancentravała na miažy ad 30 da 50 tysiač vajskoŭcaŭ, a taksama vialikuju kolkaść bajavoj techniki.
Pres-słužba Biełaha doma paviedamiła: «Prezident Abama padkreśliŭ, što ZŠA praciahnuć padtrymlivać ŭrad Ukrainy i narod Ukrainy z metaj deeskałacyi. Kiraŭnik Biełaha doma padkreśliŭ, što palapšeńnie situacyi mahčyma tolki pry ŭmovie, što Rasija adviadzie vojski i nie budzie bolš parušać terytaryjalnuju cełasnaść Ukrainy».
Jak Pucin adkazaŭ Abamie, ni Kreml, ni Bieły dom pakul nie paviedamlajuć. Prezidenty damovilisia, što ŭ bližejšy čas znoŭ sustrenucca ministr Łaŭroŭ i dziaržsakratar Kery.
U telefonnaj razmovie, jakaja praciahvałasia kala hadziny išła havorka pra Prydniastroŭje.
Kiraŭnik Rasii źviarnuŭ uvahu prezidenta ZŠA na faktyčnuju źniešniuju błakadu rehijonu. Uładzimir Pucin adznačyŭ, što heta pryvodzić da istotnaha ŭskładnieńnia ŭmoŭ žyćcia žycharoŭ Prydniastroŭja, pieraškadžaje ich pieramiaščeńniu, narmalnaj handlovaj i ekanamičnaj dziejnaści.
Jak dadaje pres-słužba Kramla, padčas razmovy było padkreślena: «Rasija vystupaje za spraviadlivaje i usioabdymnaje ŭrehulavańnie prydniastroŭskaj prablemy, zacikaŭlenaja ŭ efiektyŭnaj pracy dziejučaha pieramoŭnaha farmatu «5+2».
