Na źjeździe partyi UDAR Vital Kličko abviaściŭ pra admovu ad udziełu ŭ prezidenckich vybarach.
Kličko prapanavaŭ Piatra Parašenku zamiest siabie ŭ jakaści kandydata ŭ prezidenty. Pa słovach Kličko, jon sychodzić ź intaresaŭ Ukrainy i jaje adzinstva. Jon upeŭnieny, što tak budzie atrymana mahčymaść dla hłybinnaha refarmavańnia krainy i poŭnaj pierazahruzki ułady.
«Hetyja vybary pavinny abjadnać hramadstva, a nie stać čarhovaj vajnoj usich suprać usich», — rastłumačyŭ lidar UDARa. Kličko ŭpeŭnieny, što ciapier taki čas, kali nielha pamylacca, tamu pavinien być vyłučany adziny kandydat. Jon zaklikaŭ usie demakratyčnyja siły abjadnacca dziela Ukrainy.
Vybary prezidenta Ukrainy pavinny adbycca 25 maja.
0
0
0
0
0
0
